 |
| ក្របមុខ Cover |
មហាចោរនៅទល់ដែន គឺជាសៀវភៅប្រលោមលោកមួយក្បាល
ដែលពេញនិយមបំផុតក្នុងឆ្នាំ ១៩៥៥ និពន្ធដោយលោក សាង សាវាត (អានថា : សាង សាវ៉ាត) ហើយក៏ជាសៀវភៅដែលខ្ញុំចូលចិត្តអានបំផុត និងពេញចិត្តជាងគេនៅក្នុងចំណោមជាង១០រឿងប្រលោមលោកផ្សេងទៀតដែលខ្ញុំធ្លាប់បានអាន។
ដំណើររឿងនេះមានទាក់ទងទៅនឹង អាណាខេត្តសេរីសោភ័ណ្ឌ (សព្វថ្ងៃខេត្តបន្ទាយមានជ័យ ក្រុងសេរីសោភ័ណ្ឌ) ខេត្តបាត់ដំបង និងប្រទេសសៀមផង។
បើអ្នកណាបានអានប្រលោមលោកនេះចប់ច្បាស់ជាកោតសរសើរទៅដល់ទឹកចិត្តស្នេហាជាតិយ៉ាងធំធេងរបស់អ្នកនិពន្ធរូបនេះ ដែលសាច់រឿងទាំងមូលគឺដាស់តឿនអ្នកអានឲ្យមានសតិសម្បញ្ជៈ ស្នេហាជាតិមាតុភូមិ ប្រជាជនឈាមឯងដោយស្មោះស្ម័គ្រ ជាទីបំផុត ហើយក៏ដូចជាការគាស់កកាយពីការឈ្លានពាន និងគៀបសង្កត់ របស់សៀម (បរទេសអានថា ស្យាម) (ថៃ) ទាំងមានជនជាតិខ្មែរខ្លួនឯងផងចូលជើងចូលដៃជាមួយជាតិសាសន៍អំបូរចោរមួយនេះ ដើម្បីលាភសក្ការៈផ្ទាល់ខ្លួន។
គួរឲ្យសោកស្តាយជាទីបំផុត លោក សាង សាវាត ត្រូវបានមន្រ្តីក្នុងជួររដ្ឋាភិបាលសម្លាប់ចោលរយៈពេល១ឆ្នាំបន្ទាប់ពីសៀវភៅនេះបោះពុម្ពជាលើកដំបូងក្នុងឆ្នាំ ១៩៥៥ ពោលគឺក្នុងឆ្នាំ ១៩៥៦។
តួអង្គសំខាន់ៗនៅក្នុងរឿងនេះមាន មានន្ទ នាងទេវី វិសេសក្លាហាន កាមា និង ព្រះកម្ពុតជាដើម៕
សូមចូលទៅអានរឿងនេះនៅក្នុងវីគីភីឌាភាសាខ្មែរ ដែលមាន ចាប់ពីវគ្គទី១ (ខ្លាបាក់ចង្កូម) ដល់វគ្គទី ១៣ (វាយផ្តាច់ព្រ័ត្រ) ៕ សូមចុចទីនេះ
No comments:
Post a Comment