FIFA World Cup Qatar 2022 Official Emblem Unveiled

FIFA World Cup Qatar 2022 Logo

ផ្ទះវីឡាផ្នូរខ្មោចនៅវៀតណាម (កម្ពុជាក្រោម)

បើមើលពីខាងក្រៅ ផ្ទះវីឡាផ្នូរខ្មោចដ៏ល្បីល្បាញនៃប្រជាជនវៀតណាមនៃខេត្ត ប៊ិន ចេ មើលទៅហាក់ដូចជាផ្ទះសំបែង
ធម្មតា ប៉ុន្តែបើឈានជើងចូលតាមទ្វារខាងមុខផ្ទះ អ្នកនឹងបានកត់សំគាល់ថាជំនួសដោយតុទទួលទានអាហារធម្មតា
គឺមានផ្នូរធ្វើពីថ្មម៉ាបដ៏គួរឲ្យព្រឺក្បាលមួយ បំពេញជាមួយនឹងគ្រឿងសក្ការៈបន់ស្រន់ទៅដល់មនុស្សដែលបានកប់នៅ
ក្នុងផ្នូរនេះ។

រស់នៅក្នុងគេហដ្ឋានស្តុកស្តម្ភជាមួយនឹងផ្នូរនៅចំកណ្តាលនៃបន្ទប់ទទួលភ្ញៀវ វាប្រៀបដូចជាឈុតឆាកនៅក្នុងភាពយន្ត
បែបភ័យរន្ធត់។ ប៉ុន្តែសម្រាប់អ្នកភូមិគ្រប់គ្នាដែលបានហៅថាជា វីឡាផ្នូរ នៃឃុំ តាង ថាច គឺជារឿងធម្មតាទៅហើយ។
វាជារឿងមិនគួរឲ្យជឿ ហើយមានមនុស្សច្រើនណាស់ដែលនៅតែមិនជឿលើរឿងនេះ ជាពិសេសចាប់តាំងពីប្រទេស
វៀតណាមបានចេញច្បាប់យ៉ាងច្បាស់លាស់ថា ការបញ្ចុះសាកសពក្នុងផ្នូរអាចធ្វើបានតែនៅតាមកន្លែងបញ្ចុះសពឬ
នៅតាមទីលានសាសនានៃវិហារនិងអារាមផ្សេងៗតែប៉ុនណោះ ប៉ុន្តែរឿងរ៉ាវនៃវីឡាដែលប្លែកគេតែឯងនេះត្រូវបាន
បញ្ចេញជាឯកសារនៅក្នុងអ៊ិនធឺណិតអស់រយៈពេលជាង១ទស្សវត្សមកហើយរហូតមកដល់បច្ចុប្បន្ននេះ។ វាជាផ្ទះមួយ
ខ្នងនៅក្នុងស្រុកភូមិ ​ដែលកាន់កាប់ដោយផ្នូរសាកសពនៅចំកណ្តាលនៃបន្ទប់ទទួលភ្ញៀវ។

ដំណើររឿងនៃគោលដៅទីតាំងល្បីល្បាញបច្ចុប្បន្ននៃខេត្ត ប៊ិន ចេ នេះ បានផ្តើមឡើងនៅថ្ងៃទី២៨ ខែមករា ឆ្នាំ១៩៦០
នៅពេលដែលស្រីក្នុងតំបន់ម្នាក់ ឈ្មោះ ដាង ធី ញ៉ាន បានផ្តល់កំណើតកូនស្រីម្នាក់ដែលបានដាក់ឈ្មោះថា ចាង ធី
គីម លាង។ គីមលាង ធំដឹងក្តីនៅក្នុងគ្រួសារក្រីក្រ ប៉ុន្តែលុះដល់អាយុ ១៨ឆ្នាំ នាងមានទំនាក់ទំនងស្នេហាជាមួយបុរស
ដែលជាថៅកែទូកនេសាទម្នាក់ ហើយ៣ឆ្នាំក្រោយមកពួកគេបានធ្វើចំណាកស្រុកទៅកាន់សហរដ្ឋអាមេរិក ជាដែនដី
ដែលសំបូរការងារធ្វើ។ នាងបានក្លាយជាជាងធ្វើក្រចក ហើយក្រោយមកបានចាប់ផ្តើមអាជីវកម្មមួយផ្នែកសេវាកម្ម
រៀបចំតុបតែងខាងក្នុងអគារ ដែលធ្វើឲ្យនាងមានជីវភាពធូរធារហើយក៏បានផ្ញើរលុយកាក់ទៅកាន់គ្រួសារនៅឯស្រុកកំណើតផងដែរ។

នៅដើមទស្សវត្សឆ្នាំ២០០០ ក្នុងកំឡុងការមកលេងស្រុកកំណើតរបស់នាង គីមលាង បានប្រាប់ទៅម្តាយនិង
បងប្អុនប្រុស៣នាក់ផ្សេងទៀតរបស់នាងថា នាងបានរៀបគម្រៀងរួចហើយថានឹងត្រលប់មករស់នៅផ្ទះកំណើតវិញនៅថ្ងៃណា
មួយ ហើយក៏បានសុំឲ្យអ្នកផ្ទះសង់វីឡាធំទូលាយមួយជំនួសឲ្យផ្ទះខ្ទមចាស់ដែលនាងធ្លាប់រស់នៅធំដឹងក្តី។
នាងចង់ឲ្យគ្រួសារជួបជុំគ្នាឡើងវិញក្រោមដំបូលផ្ទះតែមួយ ហើយទទួលចំណាយថវិកាលើការសាងសង់ទាំងមូលដោយ
ខ្លួននាងផ្ទាល់។ នៅពេលដែលគេហដ្ឋានស្តុកស្តម្ភដ៏សម្បើមបានសង់រួចរាល់នៅក្នុងឆ្នាំ២០០៦ វាជាគេហដ្ឋានដ៏លេចធ្លោ
បំផុតនៅក្នុងឃុំ តាង ថាច ប៉ុន្តែគួរសង្វេគចិត្ត ចាង ធី គីមលាង បានរស់នៅក្នុងផ្ទះនេះបានតែប៉ុន្មានខែប៉ុនណោះ។

ក្នុងឆ្នាំ២០០៧ ពេលដែលត្រលប់ពីសហរដ្ឋអាមេរិកថ្មីថ្មោង គីមលាងធ្លាក់ខ្លួនឈឺ ហើយក្រោយមកក៏ធ្វើរោគវិនិច្ឆ័យ
ឃើញថានាងមានជំងឺមហារីកម្យាង។ នាងបានស្វែងរកការព្យាបាលជាមួយគ្រូពេទ្យនានាក្នុងតំបន់ តែស្ថានភាពជំងឺ
កាន់តែអាក្រក់ នាងក៏បានសម្រេចចិត្តត្រលប់ទៅអាមេរិកវិញដើម្បីធ្វើការព្យាបាល។ ដោយដឹងខ្លួនថា ប្រហែលជា
មិនអាចគេចផុតពីជំងឺ គីមលាងបានសុំឲ្យម្តាយសម្រចក្តីបំណងចុងក្រោយរបស់នាង។

"ខ្ញុំមិនអាចរស់នៅក្នុងផ្ទះដ៏ស្តុកស្តម្ភមួយនេះទៀតទេ ពេលខ្ញុំស្លាប់ទៅ សូមកប់សពខ្ញុំនៅក្នុងផ្ទះនេះផង" បើតាមគេ
និយាយឲ្យដឹងមកថា នាងបានស្នើសុំបែបនេះទៅកាន់ម្តាយរបស់នាង។

គីមលាងបានស្លាប់នៅថ្ងៃទី១០ខែឧសភា ឆ្នាំ២០០៧​ ហើយគ្រួសាររបស់នាងសម្រេចចិត្តយកសាកសពត្រលប់ទៅ
ប្រទេសវៀតណាមវិញដើម្បីបញ្ចុះតាមការបង្គាប់របស់នាង។ អ្នកស្រី ដាង ធី ញ៉ាង តែងតែនិយាយប្រាប់អ្នកដែលមក
ទស្សនាថា វីឡានេះសាងសង់ឡើងដោយប្រើលុយកាក់របស់កូនស្រីគាត់ អ៊ីចឹងវាជារឿងត្រឹមត្រូវតែមួយគត់ដែលគាត់ត្រូវ
ធ្វើតាមបំណងប្រាថ្នាមុននាងស្លាប់។ នាងចង់ឲ្យគ្រួសារនៅជិតជុំសូម្បីតែពេលស្លាប់ទៅហើយក្តី ហើយនាងក៏បានទទួលវារហូតមកដល់ថ្ងៃនេះ។

ក្រុមគ្រួសារបានជួលជាងកាត់កម្រាលថ្មម៉ាប ហើយជីកអន្លង់សពគីមលាង ដែលឃុំគ្របដោយផ្នូរថ្មម៉ាបដ៏ធំមួយ។
ពួកគេក៏បានរៀបចំទីសក្ការៈសម្រាប់នាងផងដែរ មានទាំងរូបថតនាងមួយផ្ទាំងធំ មានទាំងធូបទានផង។
ពិធីបុណ្យសពមានភ្ញៀវចូលរួមយ៉ាងច្រើនពីក្នុងឃុំ តាន ថាច រួមមានទាំងមន្ត្រីអជ្ញាធរផង ដែលពន្យល់ឲ្យដឹងច្បាស់
ថាជាហេតុដែលគ្មាននរណាជំទាស់លើការបញ្ចុះសពខុសច្បាប់ក្នុងតំបន់បែបនេះ។

ដោយពត៌មាននៃវីឡាដែលមានផ្នូរខ្មោចនៅកណ្តាលបន្ទប់ទទួលភ្ញៀវនេះ បានចាប់ផ្តើមសាយភាយទូទាំងខេត្ត
ប៊ិន ចេ ពាក្យចចារអារាមជាច្រើននៃរឿងរ៉ាវខ្មោចលងនិងហេតុការណ៍ចម្លែកៗចាប់ផ្តើមកើតឡើងបន្តបន្ទាប់គ្នា។
មនុស្សជាច្រើននិយាយផ្តេសផ្តាស់ថាផ្ទះនោះមានខ្មោចលង តែគ្រួសាររបស់គីមលាងបានរស់នៅទីនោះអស់រយៈ
ពេល១២ឆ្នាំហើយ ហើយពួកគេអះអាងថាគ្មានអ្វីប្លែកសោះក្នុងរយៈពេលកន្លងមក។

វីឡាផ្នូរ​ បច្ចុប្បន្នត្រូវបានរស់នៅថែរក្សាដោយប្អូនប្រុសពៅរបស់គីមលាង ឈ្មោះ ចាង វ៉ាន ទួន ហើយនិងគ្រួសាររបស់
គាត់ ថ្មីៗនេះគាត់បានប្រាប់ទៅសារពត៌មាន Vietnamnet ថាដោយឡែកពីការមកទស្សនាដើម្បីចង់ដឹងថាតើ
រឿងល្បីល្បាញដែលផ្ទះវីឡាមានផ្នូរនៅបន្ទប់ទទួលភ្ញៀវជាការពិតឬយ៉ាងណានោះ ជីវិតនៅក្នុងផ្ទះដ៏ល្បីសុះសាយគឺសាមញ
ធម្មតា។ គាត់បន្ថែមថា ភាពរីករាយធំរបស់គាត់គឺបាននៅជិតបងស្រីរបស់គាត់គ្រប់វេលា។

ផ្ទះនេះមានចម្ងាយប្រហែល ៥០០ ម៉ែត្រពីស្ថានីយសាឡាងរ៉ាចមៀយចាស់ក្នុងឃុំតានថាច៕

សូមទស្សនាវីដេអូខាងក្រោមនេះ៖